फिल्म चलेपछि जोडिए नम्रता र बर्षा

फिल्म ‘छक्का पञ्जा’ मा तीन जना हिरोइनहरु छन्, प्रियंका कार्की, नम्रता सापकोटा र बर्षा राउत । तर, फिल्मको प्रचारमा प्रियंका कार्की मात्रै दौडिइन् । दिपक र दिपाले पनि इजीलाई नै विजी बनाइदिए । नम्रता र बर्षा ‘छक्का पञ्जा’ को प्रचार प्रसारमा देखिएनन् भन्दा पनि हुन्छ ।

तर ‘छक्का पञ्जा’ ब्लकस्टर भएपछि भने नम्रता र बर्षा पनि फिल्म सफलताको खुसीयालीमा जोडिन आइपुगेका छन् । उनीहरुको फेसबुक वाल फिल्म सफलताको खुसीयालीमा लेखिएका स्टाटसले भरिएका छन् भने कार्यक्रममा पनि उनीहरु हरसम्भव छुट्दैनन् । बुधबार सिटीसी मलले आयोजना गरेको फिल्मको विशेष शो सहित रात्री भोज कार्यक्रममा पनि नम्रता र बर्षा सहभागी भए ।

नायिका प्रियंका कार्की फिल्म छायाँकनका कारण उक्त कार्यक्रममा सहभागी हुन पाइनन् । यसको फाइदा नम्रता र बर्षालाई परेको पाइयो । मिडियासँगको भलाकुसारी गरेका उनीहरुले क्यामेराको अगाडी पोज पनि मज्जैले दिए ।