सफलताको खुसी बाँड्न पुर्व लागे दिपक, दिपा र जितु

दिपकराज गिरी, दिपाश्री निरौला र जितु नेपाल ‘छक्का पञ्जा’ सफलताको खुसी साट्न पुर्वतर्फ लागेका छन् । बिहिबार र शुक्रबार भद्रपुर, इटहरी, धरान, दमक, विराटनगर, उर्लाबारी लगायत क्षेत्रमा पुगेर उनीहरुले आफ्नो फिल्मलाई ब्लकबस्टर बनाइदिएकोमा दर्शकलाई धन्यवाद दिनेछन् ।

‘पुर्वकै चेलीले निर्देशन गरेको फिल्म भएर पनि हामी त्यसतर्फ हिंडेका हौं’ निर्देशक निरौलाले भनिन्, ‘दुई दिन यता बिताएर शनिबार राजधानीका दर्शकसँग बसेर फिल्म हेर्नेछौं ।’ दिपाश्रीको पहिलो निर्देशन रहेको फिल्म ‘छक्का पञ्जा’ ले दर्शकको अत्याधिक साथ पाइरहेको छ । हल रिपोर्ट हेर्नुस् :

कमेडीसँगै सामाजिक सन्देश पनि बोकेको फिल्ममा दिपकराज, प्रियंका कार्की, शिवहरी पौडेल, केदार घिमिरे, जितु नेपाल, बुद्धि तामाङ, नम्रता सापकोटा र बर्षा राउतको मुख्य भूमिका रहेको छ । ‘छक्का पञ्जा’ ले हालसम्म ६ करोड माथिको ग्रस कलेक्सन गरिसकेको छ ।