यस्तो छ चैत १८ देखि बल्ने दयाहाङ र प्रियंकाको ‘लाल्टिन’ पोस्टर र टिजर

दयाहाङ राई र प्रियंका कार्की स्टारर फिल्म ‘लालटिन’ को प्रदर्शन मिति, टिजर, फस्ट लुक सार्वजनिक गरिएको छ । भानु प्रतापको निर्माण तथा देवकुमार श्रेष्ठको निर्देशन रहेको यो फिल्म चैत १८ गतेदेखि प्रदर्शनमा आउनेछ ।

मंगलबार आयोजित प्रेसमिटमा निर्देशक श्रेष्ठले ‘लाल्टिन’ देशको समसामयिक विषयवस्तुसँग सम्बन्धित रहेको बताए । पहिलो पटक फिल्म निर्माण गरेका निर्माता तथा कलाकार भानु प्रतापले मिहेनतका साथ फिल्म बनाएको बताए । नायिका प्रियंका कार्कीले राम्रो टिमले राम्रो फिल्म बनाएको बताइन् । ‘लाल्टिन’ को टिजर यस्तो छ :

अभिनेता दयाहाङ राई भने ‘वीर विक्रम’ शोका लागि अष्ट्रेलियामा रहेका कारण ‘लाल्टिन’ को प्रेसमिटमा उपस्थित हुन पाएनन् । प्रेसमिटमा विकास वोर्ड अध्यक्ष राजकुमार राईले सफलताको शुभकामना दिएर भन्दा पनि फिल्म राम्रो भएमा सफल हुने बताए ।