बधाई ‘छक्का पञ्जा’ टिमलाई : फिल्मले गोपिमै कायम गर्यो अर्को रेकर्ड

चावाहिलस्थित गोपिकृष्ण हलमै फिल्म ‘छक्का पञ्जा’ ले अर्को रेकर्ड कायम गरेको छ । दर्शकको चाप उच्च भएपछि गोपिकृष्ण मुभिजले यो फिल्मको राती ८ बजेको शो पनि राखेको छ । हालसम्म कुनै पनि नेपाली तथा हिन्दी फिल्मका लागि राती ८ बजेको शो राखिएको थिएन ।

गोपिकृष्ण मुभिजका लाइन म्यानेजर तीर्थ पौडेलले ‘छक्का पञ्जा’ को गोपिकृष्णमा अर्को रेकर्ड कायम भएको जानकारी दिए । यसअघि एक शोमा ६ वटा हल हाउसफूल गराएर दिपाश्री निरौला निर्देशित फिल्मले उक्त हलमा आफ्नो रेकर्ड कायम गरिसकेको छ । प्रदर्शनको दोश्रो शनिबार पनि फिल्मले देशैभर उत्साहप्रद दर्शकको साथ पाइरहेको छ ।

दिपकराज गिरी, प्रियंका कार्की, शिवहरी पौडेल, केदार घिमिरे, जितु नेपाल, नम्रता सापकोटा र बर्षा राउत स्टारर फिल्मले यो शनिबारसम्म पाँच करोडको आँकडा पार गरेको छ । बधाई सम्पूर्ण ‘छक्का पञ्जा’ टिमलाई !