आफ्नै फिल्मका दुई निर्देशकलाई उछिनिन् दिपाश्रीले, तर कसरी ?

दिपाश्री निरौला निर्देशित फिल्म ‘छक्का पञ्जा’ ले दुई दिनमा एक करोड पचहत्तर लाखको ग्रस कलेक्सन गरेको छ । काठमाण्डौं तथा मोफसलका ८० बढी हलको दुई दिने कलेक्सन यति हुन आएको निर्माता दिपकराज गिरीले जानकारी दिए ।

यसअघि दिपक र दिपाले निर्माण गरेका दुई फिल्महरु ‘६ एकान ६’ र ‘वडा नं ६’ को भन्दा ‘छक्का पञ्जा’ को कलेक्सन उच्च हो भने यो वर्ष चलेका फिल्महरुको भन्दापनि उच्च कलेक्सन हो । व्यापारिक नाफा कमाएपनि यसअघि दिपक र दिपाले निर्माण गरेका दुई फिल्महरु ‘६ एकान ६’ र ‘वडा नं ६’ ले दुई दिनमा करोड कम नै ग्रस कलेक्सन गरेका थिए । यसअर्थ व्यापारिक रुपमा डेव्यु निर्देशक दिपाश्रीले यसअघिका दुई निर्देशक दिनेश डिसी र उज्जवल घिमिरेलाई व्यापारिक रुपमा उछिनेकी छिन् । हल रिपोर्ट हेर्नुस् :

यही रफ्तारमा ‘छक्का पञ्जा’ ले दर्शक हलमा तानेका खण्डमा पाँच करोड माथिको ग्रस कलेक्सन गर्ने आँकलन गर्न सकिन्छ । ९० लाख लागत रहेको फिल्मबाट निर्माण पक्षलाई मनग्ने फाइदा पुग्नेछ । फिल्ममा दिपकराज गिरी, प्रियंका कार्की, शिवहरी पौडेल, केदार घिमिरे, जितु नेपाल, बुद्धि तामाङ, नम्रता सापकोटा र बर्षा सिवाकोटीको अभिनय रहेको छ । पहिलो पटक निर्देशन गरेको फिल्मको व्यापार नै आक्रमक भएपछि यतिबेला दिपाश्रीसँगै सम्पूर्ण टिम दंग छ ।