जन्मदिनको केक काट्दै डल्लीले सुरु गरिन् ‘डायरी’ सुट

अभिनेत्री छुल्ठिम गुरुङले फिल्म ‘डायरी’ को छायाँकन सुरु भएको छ । शनिबार आफ्नो जन्मदिनको केक काट्दै छुल्ठिमले ‘डायरी’ को छायाँकन गरेकी हुन् । फिल्मको कमलादी मन्दिरमा पूजाआजा तथा शुभ साईत गरिएको थियो ।

अनिल योञ्जनको निर्देशन रहेको फिल्म ‘डायरी’ को सुरुवाती छायाँकन राजधानीमा भैरहेको छ । त्यसपछि फिल्मको टोली हेटौंडा तथा नारायणघाटतर्फ लाग्नेछ । छेतेन गुरुङको स्क्रिप्ट रहेको फिल्म मसालेदार रहेको निर्मात्री तथा अभिनेत्री गुरुङले बताएकी छिन् । ‘दर्शकलाई चाहिने खुराक सबै हुनेछन्’ डल्लीले भनिन्, ‘फिल्मलाई राम्रो बनाउन हाम्रो टिमले मिहेनत गरेका छौं ।’

आफ्नै लगानीमा बन्न लागेको पहिलो फिल्ममा छुल्ठिमले हितैषी रेखा थापालाई भिलेनको रुपमा प्रस्तुत गरेकी छिन् । रेखा र छुल्ठिमसँगै फिल्ममा नव नायक सन्नी सिंहको मुख्य भूमिका रहनेछ ।