करिश्मा मानन्धरको सौन्दर्यतामा शत्रुघन सिन्हा पनि लठ्ठिए !

बिहिबार उद्योगपती विनोद चौधरीले रविभवन निवासमा आफ्नी नातीनिको भात खुवाइ गरेका थिए । छोरा निर्वाण चौधरीको छोरीको पास्नीमा बलिउड सुपरस्टार शत्रुघन सिन्हादेखि नेपालकी सदाबहार सुन्दरी अभिनेत्री करिश्मा मानन्धरसम्म सहभागी थिए ।

चौधरी निवासमा आयोजना गरिएको उक्त भोजमा बलिउड सुपरस्टार सिन्हासँग केही भिआइपीहरुले मन्थन गर्ने मौका पनि पाए । यस्तैमा हाम्री सदाबहार सुन्दरी अभिनेत्री मानन्धरले पनि शत्रुघनसँग गफ गरिन् । शत्रुघनसँगको वार्तालापमा करिश्माले उनलाई भनेकी थिइन्, ‘तपाईंको यो यादगार भ्रमणको लागि हामी धेरै नै आभारी छौं ।’ नेपालकी सुन्दरी अभिनेत्रीले यसो भन्दा शत्रुघनले के भने होला त ?

‘तपाईं र तपाईंको ट्याटु दुवै सुन्दर छन् । यति सुन्दरी मान्छेले यस्तो भनेपछि खुसी नहुने कुरै छैन ।’ शत्रुघनले ठट्टै ठट्टामा भनेपछि करिश्मा रातो पिरो भएको श्रोत बताउँछ । बुधबार सम्पन्न एलजी फिल्म अवार्डमा शत्रुघन सहित उपराष्ट्रपतीले करिश्मालाई सम्मान गरेका थिए ।