‘जात्रा’ सँगै आउने भो ‘द् विनर’
फिल्म ‘द् विनर’ आउँदो कात्तिक १९ गतेदेखि देशभरबाट प्रदर्शनमा आउने भएको छ । फिल्म निर्माण कम्पनी डायमण्ड स्टारले वितरक गोपाल कायस्थसँग उक्त मितिमा ‘द् विनर’ ल्याउने सम्झौता गरेको हो । सोही मितिमा अर्को फिल्म ‘जात्रा’ ले पनि आफ्नो प्रदर्शन मिति तय गरेको छ । ‘कात्तिक २१ मा द् विनर आउँछ’ वितरक कायस्थले भने ।
हिक्मत विष्ट निर्देशित फिल्म ‘द् विनर’ मा पुर्व मिस नेपाल मलिना जोशी र नव कलाकारहरुको अभिनय रहेको छ । मलिनासँगै फिल्ममा महेश श्रेष्ठ, मन्चिन शाक्य, रेशु तामाङ, राजकुमार पन्त, अमित गिरी लगायतको अभिनय रहेको छ । टिजर र ट्रेलर समेत रिलिज भएको ‘द् विनर’ को सुन्दर विदेशी भूमिमा गरिएको छ । ट्रेलर हेर्नुस् :
