पूजाले दिएको सुदर्शनको ‘सप्राइज वर्थ डे पार्टी’ मा दिपाश्रीले गरिन् यसरी मज्जा (फोटो फिचर)

निर्देशक सुदर्शन थापाको जन्मदिन नायिका पूजा शर्माले सप्राइज रुपमा मनाइदिएकी छिन् । भदौ २१ गते, मंगलबार पूजाले सुदर्शन र आफ्ना नजिकका फिल्मकर्मी तथा सिमित सञ्चारकर्मीलाई निम्ता दिदैं सुदर्शनको जन्मदिन सेलिव्रेट गरेकी हुन् । ‘उहाँलाई यस्तै सप्राइज मन पर्छ’ सुदर्शनसँग अर्को फिल्म गर्ने तयारीमा रहेकी पूजालले भनिन् ।

यता वर्थ डे म्यान थापा भने पूजाको यस प्रकारको सप्राइज वर्थ डे सेलिव्रेसनले दंग थिए । ‘मलाई त थाहा नै थिएन । पूजाले मलाई थाहै नदिइ सबै नजिककालाई बोलाइछन् ।’ सुदर्शनको वर्थ डे सेलिव्रेसन साँझमा ‘छक्का पञ्जा’ निर्देशक दिपाश्री निरौला, निर्माता पुनम गौतम, कलाकार अनुरागमानसिंह कुँवर, ‘किङ्ग’ निर्माता जयन श्रेष्ठ, फेसन डिजाइन विश्व गौतम, ‘डायरी’ नायिका तथा निर्मात्री छुल्ठिम गुरुङ उपस्थित थिए ।

यस्तै लेखक छेतेन गुरुङ, सुदर्शनका साथी बाबुराम ढकाल, प्रोडक्सन म्यानेजर सुरज आचार्य, नायक पल शाह उपस्थित थिए । दिपाश्रीले सुदर्शनका लागि आफ्नै फिल्मको ‘देख् न चम्पा’ बोलको गीत गाएकी थिइन् । सिमित सर्कल माझ सुदर्शनको वर्थ डे पार्टी निकै रमाइलो भएको थियो । तस्बिरहरु : उत्सब रसाईली