‘किङ्ग’ सँग भिड्न अनुपविक्रमको यस्तो रुप

फिल्म ‘किङ्ग’ मा कलाकार अनुपविक्रम शाही भिन्न अवतारमा प्रस्तुत भएका छन् । फिल्मको पात्रकै लागि अनुपले आफ्नो गेटअप सहित ‘वडी स्टक्चर’ लाई समेत परिवर्तन गरेका छन् । ‘किङ्ग’ अर्थात् नायक निखिल उप्रेतीसँग भिड्न अनुपको रुप यस्तो छ ।

सविर श्रेष्ठले निर्देशन गरेको फिल्म ‘किङ्ग’ मा अनुपको भूमिका के हो, हिरो कि भिलेन ? खुलाइएको छैन । तर, सार्वजनिक तस्बिरमा भने अनुपको अवतार खतरनाक नै लाग्छ । फिल्ममा उनको टकराव ‘किङ्ग’ उप्रेतीसँग पर्नेछ । फिल्ममा नायिका वेनिशा हमाल सोलो नायिकाको रुपमा प्रस्तुत भएकी छिन् ।

जेएस इन्टरटेनमेन्टको प्रस्तुती रहेको फिल्म ‘किङ्ग’ लाई जयन श्रेष्ठले निर्माण गरेका हुन् । फिल्म असोज २१ गतेदेखि प्रदर्शनमा आउँदैछ ।