क्युज सिनेमा हलले पुरा गर्यो सञ्चालनको दुई वर्ष

दरबारमार्गमा रहेको क्युज सिनेमा हलले सञ्चालनको दुई वर्ष पूरा गरेको छ । यस खुसीयालीमा सोमबार एक औपचारिक जमघट गर्दै क्युज हलमा केक समेत काटियो ।

वरिष्ठ फिल्मकर्मी निर शाह, अभिनेत्री गौरी मल्ल, निर्माता तथा कलाकार दीपकराज गिरी र हल मालिक सुमित मैनालीले क्युज सिनेमा हलको दोश्रो वार्षिक उत्सवको केक काटे । कलाकार शाहले मल्टिप्लेक्स फिल्म हलले निर्मातालाई व्यापारमा फाइदा दिइरहेको बताए । कलाकार अनुरागमान सिंह कुँवरको संयोजनमा वरिष्ठ फिल्मकर्मी क्युजको वार्षिक उत्सवमा सहभागी भएका थिए ।

हल मालिक मैनालीले दर्शक तथा फिल्मकर्मीबाट आएको सल्लाह तथा सुझावलाई परिस्कृत गर्दै अगाडी बढ्ने बताए । खुसीयालीमा साथ दिने सबैलाई उनले धन्यवाद दिए ।