दुबईमा नवौं नेफ्टा
चलचित्र प्राविधिक संघले आयोजना गर्ने नवौं नेफ्टा अवार्ड युएइको दुबईमा हुने भएको छ । आइतबार प्रेसमिट गर्दै यही सालको पुष ८ गते (डिसेम्वर २३ तारिख) मा दुबईमा अवार्ड आयोजना गर्ने औपचारिक घोषणा गरिएको हो ।
दुबई अवार्डका लागि नेफ्टाले यसपटक स्पेक्ट्रम एड्भरटाइजिङ एण्ड मिडिया कन्सलटेन्ट र कन्सेप्ट भिजन फिल्म प्रोडक्सन तथा वितरक कम्पनीसँग सहकार्य गर्नेछ । यस पटक नेफ्टाले २८ विधामा अवार्ड वितरण गर्नेछ । ०७२ सालमा प्रदर्शनमा आएका एक सय भन्दा बढी फिल्महरुलाई मनोनयनका लागि नेफ्टाले हेरिरहेको छ ।
नेफ्टाको दुबई अवार्ड घोषणा कार्यक्रममा वरिष्ठ फिल्मकर्मी निर शाह, मह जोडी, बसुन्धरा भूषाल लगायत उपस्थित थिए । नेफ्टाले यसअघि कतारमा अवार्ड आयोजना गरेको थियो । पुष्कर लामा अध्यक्ष पदमा विजयी भएपछि पहिलो पटक दुबईमा अवार्ड आयोजना गर्न लागिएको हो ।
