दयालाई ‘वीर विक्रम’ निर्देशकले दोहोर्याउने, प्रियंकाले नछोड्ने

‘वीर विक्रम’ सफल भएपछि निर्माता तथा निर्देशक मिलन चाम्स अर्को फिल्मको तयारीमा जुटेका छन् । उनकै निर्माण तथा निर्देशन रहने चाम्सको नयाँ फिल्ममा ‘वीर विक्रम’ वीर अर्थात् अभिनेता दयाहाङ राई दोहोरिएका छन्, भने दयासँग उनकी नायिका प्रियंका अपोजिटमा रहनेछिन् ।

‘वीर विक्रम’ सफलताको खुसीयाली मनाइरहेका चाम्सले तेश्रो फिल्मबारे भने, ‘मुख्य कलाकार पक्का गरेका छौं । अब स्क्रिप्टमा लाग्छौं । तेश्रो फिल्म पनि लभ र कमेडी जनराकै हुनेछ ।’ नाम तय भैनसकेको फिल्मबाट विक्की जोशी नव नायकको रुपमा भित्रिनेछन् । फिल्मको सुटिङ तिहारपछि हुनेछ ।

यस्तै एक करोड माथि लागत रहेको फिल्म ‘वीर विक्रम’ ले देश तथा विदेशबाट लगानी सुरक्षित गरेको मिलनले बताए । उनले भने, ‘हामी सुरक्षित छौं । यसले खुसीसँगै अझ राम्रो काम गर्न हौसला दिएको छ ।’ ‘वीर विक्रम’ मा दयाहाङ राई, अर्पण थापा, दिया पुन, अनुपविक्रम शाही, नाजिर हुसेनको मुख्य भूमिका रहेको छ । सेप्टेम्वर दोश्रो सातामा अष्ट्रेलियाका विभिन्न शहरमा हुने ‘वीर विक्रम’ शोका लागि दया सहभागी हुनेछन् ।