दिपाश्री र प्रियंकाको ‘सुर्के थैली’ ले राख्यो किर्तिमानी

फिल्म ‘वडा नं ६’ को भिडियो गीत ‘सुर्के थैली खै’ ले युट्युवमा सर्वाधिक बढी पटक हेरिएको नेपाली गीति भिडियोको किर्तिमानी कायम गरेको छ । अपलोड भएको एक वर्षमा यो गीतलाई एक करोड भन्दा बढी पटक हेरिएको छ । हालसम्म कुनै पनि नेपाली गीतको अडियो तथा भिडियोलाई यति धेरै पटक युट्युवमा हेरिएको थिएन । ‘सुर्के थैली खै’ भिडियो हेर्नुस् :

राजनराज सिवाकोटीको संगीत, शब्द तथा स्वर रहेको गीतमा अञ्जु पन्तले स्वर दिएकी छिन् । शंकर विसीको कोरियोग्राफी रहेको भिडियोमा प्रियंका कार्की, दयाहाङ राई, दिपकराज गिरी, दिपाश्री निरौला, जितु नेपाल, केदार घिमिरे, रञ्जिता गुरुङले नृत्य पस्केका छन् । दिपाश्रीले निर्देशन गरेको फिल्म ‘छक्का पञ्जा’ भदौ २४ गतेदेखि प्रदर्शनमा आउँदैछ ।