राजेश हमालको सारी हेर्न अभिभावक चाहिने : मोफसलमा ‘सकुन्तला’ बिहिबारै आउने

महानायक राजेश हमालले सारी लगाएर अभिनय गरेको फिल्म ‘सकुन्तला’ ले सेन्सर वोर्डबाट पिजी प्रमाण पत्र पाएको छ । यसको मतलब १६ वर्ष भन्दा मुनिका बालबालिकाले राजेशको यो फिल्मलाई अभिभावकको साथमा हेर्नुपर्नेछ ।

मोफसलमा बिहिबार अर्थात् कृष्णजन्माष्टमै प्रदर्शन हुने फिल्म ‘सकुन्तला’ को बुधबार मात्रै सेन्सर गरिएको हो । फिल्ममा समावेश द्धन्द्धका दृश्यलाई आधार मान्दै सेन्सरले पिजी प्रमाण पत्र दिएको निर्देशक दिनेश श्रेष्ठले बताए । राजधानीमा भने आफ्नो फिल्म शुक्रबारदेखि मात्रै प्रदर्शनमा आउने निर्देशक श्रेष्ठले जानकारी दिए । महानायक हमालसँग गरिएको मज्जाको गफ हेर्नुस् :

नारीको संवेदनालाई मुख्य विषय बनाइएको फिल्म ‘सकुन्तला’ मा राजेशसँगै किशोर खतिवडा, अनु शाह, स्मृति श्रेष्ठ लगायतको अभिनय रहेको छ । महानायक हमाल भने यतिबेला अमेरिकामा छन् ।