अभागी अनु, किन जहिल्यै हुन्छिन् फिल्म प्रचारबाट पर ?

नायिका अनु शाहलाई हामी यसकारण अभागी भन्दैछौं कि उनले अभिनय गरेका धेरै फिल्महरुको प्रचार प्रसारमा उनलाई पछि पारिन्छ । भदौ ९ गतेदेखि प्रदर्शनमा आउने फिल्म ‘सकुन्तला’ मा पछि अनु प्रचार प्रसारमा पछि परेकी छिन् ।

महानायक राजेश हमाल नारी अवतारमा प्रस्तुत भएको फिल्म ‘सकुन्तला’ मा बरु अर्की नायिका स्मृति श्रेष्ठलाई अघि सारिएको छ । पोस्टरमा समेत अनुलाई स्थान दिइएको छैन, स्मृतिलाई राखिएको छ । आखिर किन यस्तो भयो त अनुमाथि ? कारण अनु र निर्देशक दिनेश श्रेष्ठलाई नै थाहा होला ।

हुन त यसअघि फिल्म ‘आधी बाटो’ मा पनि निर्माता रमेश त्वोयनाले नायिका जेनिशा केसीलाई अघि सार्दै प्रचार प्रसारबाट अनुलाई पछि पारेका थिए । जसको घाटा अनुलाई परेको थियो । आखिर किन हुनछ पटक पटक अनुमाथि यस्तो ?