पुर्व सेनापतिलाई दिपाश्रीको जन्मदिनको केक (फोटो फिचर)

हाँस्य व्यङ्ग्य अभिनेत्री तथा ‘छक्का पञ्जा’ निर्देशक दीपाश्री निरौलाले आफ्नो ४२ औं जन्मदिन कमलादिस्थित प्रज्ञा प्रतिष्ठान भवनको प्राङ्गनमा मज्जासँग मनाएकी छिन् । जन्मदिनको केक काट्दै दीपाले आफुलाई शुभकामना र शुभेच्छा दिनेलाई धन्यवाद दिइन् ।

दीपाश्रीको जन्मदिन ‘सेलिव्रेसन’ मा पुर्व सेनापति रुक्मान्द कटुवाल समेत पाहुना बने । दिपाले आफ्नो जन्मदिनको केक पुर्व सेनापतिलाई खुवाइदिएकी थिइन् । प्रतिष्ठानमा गाईजात्रा हेर्न आएका पुर्व सेनापति कटुवालले दिपालाई जन्मदिनको उपहार समेत दिएका थिए । के दिए त पुर्व सेनापति कटुवालले उपहार ? ‘खोलेर हेर्न पाएको छैन’ दिपाले भनिन् ।

यस्तै दिपाको जन्मदिनमा उनका जोडी दिपकराज गिरी, अरु हाँस्य कलाकारहरु शिवहरी पौडेल, जितु नेपाल, कुञ्जना घिमिरे लगायत थिए । जितुले दिपालाई धनियाँ उपहार दिए । दिपाश्रीको जन्मदिन सेलिव्रेनमा उनले पढाईमा आर्थिक सहयोग गरिरहेका ८ जना बालबालिका पनि आएका थिए ।