यो साल नबन्ने भो ‘समर लभ’, तर किन ?

चर्चित कृति ‘समर लभ’ माथि यो वर्ष फिल्म नबन्ने भएको छ । निर्माता विकास आचार्यले नायिका नभेटिएको भन्दै उक्त कृति माथि बन्ने फिल्मलाई अर्को वर्षलाई थाँती राखेका हुन् । अब आफ्नै निर्देशनमा विकासले यो साल ‘नीरान्जा’ निर्माण गर्नेछन् ।

आफ्नो अफिसियल फेसकबुकमा स्टाटस लेख्दै विकासले ‘समर लभ’ यो वर्ष नबन्ने खुलाएका हुन् । ‘यो वर्ष हामी चलचित्र ‘नीरान्जना’ मात्र निर्माण गर्दैछौं । समर लभको मुख्य पात्र साया नभेटिएकोले यस चलचित्रको निर्माण अर्को वर्ष हुनेछ’ विकासले आफ्नो फेसबुकमा लेखेका छन् ।

सुविन भट्टराईको ‘समर लभ’ लाई विकासका मुख्य सहायक निर्देशक मुस्कान ढकालले निर्देशन गर्नेछन् । जसको गीत संगीतको काम समेत पुरा भैसकेको छ ।