‘वृन्दावन’ विशेष छ भन्दै शिल्पाले भनिन्, ‘बाँदरसँग काम गर्न गाह्रो भयो’

नायिका शिल्पा पोखरेल अभिनित फिल्म ‘वृन्दावन’ यही भदौ १७ गतेदेखि प्रदर्शनमा आउँदैछ । शिल्पा शिर्ष भूमिकामा प्रस्तुत भएको यो फिल्ममा बाँदरको समेत अभिनय रहेको छ ।

नायिका पोख्रेलले आफ्ना लागि ‘वृन्दावन’ विशेष भएको बताएकी छिन् । शिल्पा भन्छिन्, ‘त्यसैले प्रचार प्रसारमा मेरो पनि साथ छ । युटिनले भनेको ठाउँमा पुगेर फिल्म बारे बोलिरहेको छु । यस्तै फिल्म ‘वृन्दावन’ मा धार्मिक कहानी नभएको शिल्पाले खुलाएकी छिन् । उनले भनिन्, ‘वृन्दावन धार्मिक नाम जस्तो लागेपनि यो एउटा जंगलको नाम हो । यही जंगलको सेरोफेरोमा फिल्मको कथा घुमेको छ ।’ उनका अनुसर फिल्ममा लभ स्टोरी र रिभेन्जको कथा छ । ट्रेलर हेर्नुस् :

नेपालगञ्जको गर्मीका कारण एक्सनका दृश्य दिन खुबै गाह्रो भएको समेत शिल्पाले बताइन् । उनले भनिन्, ‘छेउमै आगो बालेर फाइट हानेजस्तो अनुभव भएको थियो तर, अहिले फिल्म हेर्दा सन्तुष्टी मिलेको छ । बाँदरसँग काम गर्दा चाहि कस्तो अनुभव भयो त ? ‘बाँदरसँग काम गर्न गाह्रो भयो’ शिल्पाले सुनाइन्, ‘भाषा नवुझ्ने, दौडिहाल्ने भएकाले पनि काम गर्न केही गाह्रो भएको थियो । तर, अहिले हेर्दा रमाइलो लाग्छ ।’ राजबहादुर सानेको निर्देशनमा तयार भएको यो चलचित्रलाई रुद्र खनालले निर्माण गरेका हुन् ।