‘सकुन्तला’ आइटम गीत रिलिज : नम्रता भन्दैछिन्, ‘कोही छ ?’

फिल्म ‘सकुन्तला’ को आइटम गीत रिलिज गरिएको छ । ‘कोही छ’ बोलको गीतमा नायिका नम्रता सापकोटाले आइटम पस्केकी छिन् । गीतमा डा.कृष्णहरी बरालको शब्द, अर्जुन पोखरेलको संगीत र दुर्गा खरेलको स्वर रहेको छ । माईकल चन्दको कोरियोग्राफी रहेको आइटम गीतको भिडियो यस्तो छ :

महानायक राजेश हमाल नारी अवतारमा प्रस्तुत भएको फिल्म ‘सकुन्तला’ लाई दिनेश श्रेष्ठले निर्देशन गरेका हुन् । फिल्ममा राजेशसँगै किशोर खतिवडा, अनु शाह र स्मृति श्रेष्ठको मुख्य भूमिका रहेको छ । ‘सकुन्तला’ भदौ ९ गतेदेखि प्रदर्शनमा आउँदैछ ।