१६ वर्षे छोरीको लागि उमा वेवीले खोजिन् नयाँ नायक : सविर श्रेष्ठले गर्ने फिल्म निर्देशन
यसअघि ‘ईशारा’ र ‘सिसा’ गरी दुई फिल्महरु निर्माण गरेकी नायिका तथा निर्मात्री उमा वेवीले नयाँ फिल्म निर्माण गर्ने भएकी छिन् । सविर श्रेष्ठले निर्देशन गर्ने नाम तय हुंन बाँकी फिल्ममा उमाकै १६ वर्षे छोरी शिवानी गिरी मुख्य हिरोइनको रुपमा रहनेछिन्, जो मिस भारत वल्र्ड २०१६’ की उप विजेता समेत हुन् ।
उमा फिल्मस्को ब्यानरमा निर्माण हुने नयाँ फिल्ममा नयाँ नायकको खोजी समेत गरिएको छ । ‘ईच्छुक र सक्षम व्यत्तिले हामीलाई नव नायकको लागि सम्पर्क गर्न सक्नुहुनेछ’ निर्देशक श्रेष्ठले भने, ‘हामी अहिले प्रि-प्रोडक्सनम छौं । सबै काम सकेर दशैंपछि फिल्मको छायाँकन सुरु हुनेछ ।’ फिल्मको छायाँकन नेपाल र सिक्किममा हुनेछ । फिल्ममा अभिनेता भूवन केसी र मोडल नम्रता योगीको पनि मुख्य भूमिका रहनेछ ।
निर्मात्री वेवीले आफ्नी छोरीको प्रतिभा देखेर यस क्षेत्रमा ल्याउन लागेको बताइन् भने छोरी शिवानीले फिल्ममा राम्रो गर्ने बताइन् । शिवानीको १६ औं जन्मदिनको अवसर पारेर उमाले नयाँ फिल्म निर्माणको घोषणा गरेकी हुन् । सचिन सिंहको संगीत रहने उमाको फिल्मलाई शिव ढकालले खिच्नेछन् ।
