पोखरामा पलको क्रेज : युवतीले भनिन्, ‘आइ लभ यु’

फिल्म ‘नाईं नभन्नू ल ४’ बाट मोडल पल शाहले नव नायकको अवार्ड उचालिरहेका छन् । हालसम्म सम्पन्न दुई अवार्ड समारोहमा पलले आफ्नो पक्षमा नव नायकको पुरस्कार पाइरहेका छन् । जुरीको नजरमा उत्कृष्ट नव नायक ठानिएका पल दर्शक माझ पनि प्रिय छन् । पलको लोकप्रियता गत शनिबार आयोजित आठौं डिसिने अवार्डमा पनि देखियो ।

जब पल उत्कृष्ट नव नायकको अवार्ड ग्रहण गर्न स्टेजतिर लम्किए तब दर्शकदिर्घामा बसेकी एक युवतीले ‘आइ लभ यु प’ भन्दै हुटिङ गरिन् । युवतीको यस्तोaहुटिङले अवार्ड समारोहमा सहभागीबिच एक अर्कामा हेराहेर चल्यो । तर पनि ती युवतीले ‘आइ लभ यु पल’ भन्न छोडिनन् । आफ्नो ‘फ्यान’ को यस प्रकारको माया देखेर पल मुस्कुराए ।

दर्जन बढी म्युजिक भिडियो खेलेका पल दोश्रो फिल्म ‘जोनी जेन्टलम्यान’ मा शिर्ष भूमिकामा प्रस्तुत हुँदैछन् । नीतिन चन्दले निर्देशन गर्ने फिल्ममा पलको अपोजिटमा नायिका आँचल शर्मा देखिदैंछिन् ।