नायिका तथा निर्मात्री उमा बेबीकी छोरी भइन् मिस भारत ०१६ की उपविजेता

नायिका तथा निर्मात्री उमा बेबीकी छोरी शिवानी गिरी मिस भारत २०१६ की उपविजेता भएकी छिन् । यसै साता सम्पन्न उक्त सौन्दर्य प्रतियोगीतामा शिवानीले उक्त उपाधी हाँसिल गरेकी हुन् । मिस भारतको फस्ट रनरअपसँगै शिवानीले अन्य उपाधी पनि जितेकी छिन् ।

सौन्दर्य प्रतियोगीताकी विजेता छोरी शिवानीलाई निर्मात्री आमाले नायिका बनाउने तयारी गरिरहेकी छिन् । आफैंले निर्माण गर्ने फिल्मको यसै साता औपचारिक कार्यक्रम मार्फत घोषणा गरिनेछ, जहाँ शिवानी मुख्य हिरोइनको रुपमा रहनेछिन् । निर्देशक, हिरो र अन्य प्राविधिक सदस्यलाई अहिले सार्वजनिक गरिएको छैन । यसअघि उमाले फिल्म ‘इसारा’ निर्माण गरेकी थिइन् ।