‘विर विक्रम’ की नायिकालाई उपराष्ट्रपती पुनको बधाई
फिल्म ‘वीर विक्रम’ की नायिका दिया पुनलाई उपराष्ट्रपति नन्द किशोर पुनले बधाई तथा शुभकामना दिएका छन् । विहीबार दिउँसो उपराष्ट्रपतिको कार्यालय कान्तिपथको भेटमा उपराष्ट्रपती पुनले नव नायिका दियालाई बधाई दिएका हुन् ।
उपराष्ट्रपति पुनले बधाइ दिँदै फिल्म ‘वीर विक्रम’ को प्रिमियर शोमा आफू आउने प्रतिवद्धता व्यक्त गरे । उनले भने, ‘नेपाली फिल्म ‘वीर विक्रम’ राम्रो भएको मैले विश्वास लिएको छु । यसको प्रिमियर शोमा मेरो उपस्थिति हुने प्रतिवद्धता व्यक्त गर्न चाहन्छु ।’ भेटघाट कार्यक्रममा नायिका पुनसँगै ‘वीर विक्रम’ का निर्देशक मिलन चाम्स, विदेश वितरण प्रमुख
एवं ग्रिष्मा इन्टरटेनमेन्टका प्रमुख गृहेन्द्र घिमिरे लगायतका टीम उपस्थित थिए ।
यही भदौ ३ गतेदेखि अल नेपाल प्रदर्शनमा आउने फिल्ममा दयाहाङ राई दीया पुन, अर्पण थापा, अनुपविक्रम शाही, नाजिर हुसेन लगायतको अभिनय रहेको छ ।
