‘विरु’ लाई एक्लै पारेर नलिनासँग मस्ती गर्दै अमेरिकामा निशा
नायिका निशा अधिकारी यतिबेला अमेरिकामा छिन् । त्यहाँको क्यानिफोर्निया शहरमा आयोजित फग फेस्टिभलमा सहभागी हुन निशा केही दिन अगाडी अमेरिका पुगेकी थिइन् । यसअघि अमेरिका जाँदा कपाल मुण्डन गरेकी निशाले यस पटक भने निकै नै रमाइलो गरिरहेकी छिन् ।
जुन तस्बिरहरु उनले आफ्नो सामाजिक सञ्जालमा पोस्ट गरेकी छिन् । केही तस्बिरम निशासँग गायिका नलिना चित्रकारमा पनि छिन् । निशा अभिनित फिल्म ‘जय परशुराम’ यही शुक्रबारदेखि प्रदर्शनमा आउँदैछ । रोज राणाको निर्माण तथा निर्देशन रहेको ‘जय परशुराम’ मा नायक विराज भट्टको अपोजिटमा निशा प्रस्तुत भएकी छिन् । ‘नैना रेशम’ जोडी विराजलाई निशा ‘विरु’ भनी मायाले बोलाउँछिन् ।
दुई फिल्ममा सँगै अभिनय गरेपछि विराज र निशाको मित्रता झाँगिएको छ । फिल्म प्रदर्शनको मुखमा निशा अमेरिका उडेपछि विराज एक्लै प्रचार प्रसारमा दौडिरहेका छन् । पाँच वर्षपछि नेपाली फिल्मको अभिनयमा फर्किएका विराजको फिल्मले दर्शकको साथ कस्तो पाउँला त ?
