भेनिसमा पती रोवसँग रिमाले मनाइन् जन्मदिन

नायिका रिमा विश्वकर्माले आफ्नो जन्मदिन इटालीमा मनाएकी छिन् । शुक्रबार इटालीको भेनिस शहरमा रिमाले पती रोव विश्वकर्मासँग आफ्नो जन्मदिन मनाएकी हुन् । विश्वकर्मा दम्पती जन्मदिन मनाउन लण्डनदेखि इटाली पुगेको हो । कस्तो रह्यो त पहिलो पटक पतीसँग रिमाको जन्मदिन ?

रिमाले सुनाइन्, ‘विवाहपछि मेरो जन्मदिन सेलिव्रेट गरेको पहिलो पटक हो । पतीसँग पहिलो जन्मदिन त्यो पनि विदेशमा, एकदमै सम्झनायोग्य भयो ।’ उनीहरुले गएको वर्ष नेपालमा विवाह गरेका थिए ।

रिमाले लण्डनमा ‘ब्ल्याक समर’ नामक नयाँ फिल्मको छायाँकन पनि सकाएकी छिन् । उनी आउने साता लण्डन आएर नेपाल फर्किनेछिन् । विवाह पछि पनि रिमा एक्सन कटमा व्यस्त छिन् ।