सुशिल र बर्षालाई लिएर थालियो ‘कारखाना’ को छायाँकन

अमरदिप सापकोटाको लेखन तथा निर्देशन र ‘होस्टेल रिटन्र्स’ का सुशिल श्रेष्ठ र ‘पशुपती प्रसाद’ की बर्षा सिवाकोटीलाई लिएर फिल्म ‘कारखाना’ को छायाँकन सुरु गरिएको छ । बिहिबार शुभमुर्हत गर्दै यो फिल्मको राजधानीमा छायाँकन सुरु गरिएको हो । बर्षा र सुशिलसँगै फिल्ममा नायक सुशिल श्रेष्ठ, कलाकारहरु जेबिका कार्की, नबिन लम्साल, मौसमी मल्ल, नागेन्द्र रिजाल, बिकास उप्रेती, रबिन पोख्रेल लगायतको अभिनय रहनेछ ।

अमरदिप सापकोटाको लेखन तथा निर्देशन रहेको फिल्म ‘कारखाना’ ले घरबाट भागेकी एक महिलाले भोग्नु परेको भोगाई र यात्राको क्रममा जोडिने पात्रहरुबिचको अन्तरद्धन्द्धले निम्त्याउने बाध्यता र त्यसबाट उब्जने बाध्यताको कथा भन्नेछ । दयाराम दाहाल, सुशिल पोख्रेल, निर्देशक सापकोटाको पटकथा एंव संवाद रहेको फिल्मलाई निरज कंडेलले खिच्नेछन्।

फिल्ममा संगीत अनिल शाही र हर्कुलस बस्नेतका छ । चन्द्र पन्तको द्धन्द्ध निर्देशन रहने ‘कारखाना’ मा कविराज गहतराजले कोरियोग्राफी गर्नेछन् । शुभ शाइत गरिएको बिहिबार नै राजधानीबाट फिल्मको छायाँकन सुरु भएको छ ।