के प्रियंका, नम्रता र ऋचाले राखेका थिए ‘चपली हाईट २’ खेल्ने चाहना ?

सफल फिल्म ‘चपली हाईट’ सिक्वेल यतिबेला प्रदर्शनको पर्खाइमा छ । दिपेन्द्र के खनाल निर्देशित फिल्म ‘चपली हाईट २’ मा नयाँ कलाकारहरु मुख्य भूमिकामा प्रस्तुत भएका छन् । उसो त प्रिक्वेलबाटै नयाँ नायिका विनिता बरालले चर्चा पाएकी थिइन् । फिल्ममा उनले निभाएको भूमिकाको पनि तारिफ भएको थियो ।

फिल्म ‘चपली हाईट २’ मा चल्तीका नायिका लिने हल्ला थियो तर निर्देशक खनाल र निर्माता अर्जुन कुमारले नयाँ अनुहारलाई नै रोजे । आयुष्मान जोशी, मरिस्का पोखरेल र परमिताराज्य लक्ष्मी राणा फिल्मका मुख्य पात्रहरु हुन् । तर, यी कलाकार छनोट हुनु पुर्व केही चल्तीका नायिकाहरुले यस बोल्ड फिल्ममा खेल्न ईच्छा व्यक्त गरेको खबर प्राप्त भएको छ । श्रोतका अनुसार नायिकात्रेय प्रियंका कार्की, नम्रता श्रेष्ठ र ऋचा शर्माले ‘चपली हाईट २’ मा खेल्न ईच्छा व्यक्त गरेका थिए । प्रियंका र नम्रतालाई निर्माण पक्ष लिन तयार पनि थियो । तर पछि स्क्रिप्ट चेञ्ज भएपछि निर्माण पक्ष नयाँ कलाकारलाई लिन बाध्य भएको बताइन्छ । जे होस्, चल्तीका नअटेपनि नयाँ कलाकार आयुष्मान, मरिस्का र परमिताको राम्रै चर्चा भैरहेको छ ।