सञ्चारकर्मी आचार्यको बर्थडेमा ‘बर्दी’ को उघारियो मुहार : छविराज ओझाले दिए यस्तो उपहार
सञ्चारकर्मी कुमार आचार्यले निर्माण गरेको फिल्म ‘बर्दी’ को अडियो लञ्च गरिएको छ । विगत पन्ध्र वर्षदेखि सञ्चार क्षेत्रमा आवद्ध निर्माता आचार्यको जन्मदिन, साउन १६ गतेको अवसर पारेर ‘बर्दी’ को अडियो लञ्च गरिएको हो । उनकै गृह जिल्ला काभ्रेपलाञ्चोकस्थित साँगामा आयोजना गरिएको कार्यक्रममा फिल्मको टिजर र एक गीत पनि देखाइयो ।
‘बर्दी’ को अडियो लञ्च कार्यक्रममा वरिष्ठ निर्माता छविराज ओझा प्रमुख अतिथिको रुपमा थिए । आफ्ना नजिकका सञ्चारकर्मी आचार्यलाई निर्माता ओझाले जन्मदिनमा महत्वपूर्ण उपहार दिए । भर्खरै खुलेको फिल्म सम्बन्धी पढाई हुने एभ्रेष्ट फिल्म एकेडेमीमा कुमारका छोराले जुन विषय पढ्न चाहेपनि शुल्क नलिने वचन पाका निर्माता ओझाले दिए । कुमारका एक्ला छोरा हाल कक्षा दशमा अध्ययनरत छन् । उनकी एक श्रीमती, छोरा र छोरी छन् ।
प्रहरी प्रशासनको मुद्धालाई लिएर निर्माण गरिएको फिल्म ‘बर्दी’ लाई विजयविक्रम बस्नेतले निर्देशन गरेका हुन् भने अनु शाह, कुशल थापा, रुपा खनाल, भानु प्रताप र म्यान्दी बाबुले फिल्ममा अभिनय गरेका छन् । विकास चौधरीको संगीत रहेको फिल्ममा प्रदिप श्रेष्ठको नृत्य निर्देशन रहेको छ । प्रवेश फिल्मको ब्यानरम निर्माण भएको ‘बर्दी’ को प्रदर्शन मिति भने तय गरिएको छैन । फिल्मको गीत हेर्नुस् :
