‘चपली हाईट २’ को पेज थ्री पार्टीमा आयुष्मान र परमिताको देखियो यस्तो क्यामेस्ट्री
शुक्रबार राती फिल्म ‘चपली हाईट २’ ले दरबारमार्गस्थित भिक्ट्री क्लबमा पेज थ्री पार्टीको आयोजना गरेको छ । राती अबेरसम्म चलेको पार्टीमा फिल्म युनिटसँगै नेपाली फिल्म क्षेत्रका अन्य व्यत्तिहरु पनि उपस्थित थिए ।
निर्देशक दिपेन्द्र के खनाल, निर्माता अर्जुन कुमार र नव जोडी आयुष्मान जोशी र परमिता राज्यलक्ष्मी राणा उक्त पेज थ्री पार्टीमा सहभागी थिए । पार्टीमा सहभागी दर्शकसँग यो टिमले आफ्नो फिल्म प्रदर्शन हुने मिति भदौ ३ जानकारी गरायो । नव नायक आयुष्मानलाई पार्टीमा युवा पुस्ताले घेरेका थिए । पार्टीमा रियल जोडी समेत रहेका आयुष्मान र परमिताको क्यामेस्ट्री गज्जबको देखिएको थियो । फिल्मकी अर्की नायिका मरिस्का पोखरेल भने सहभागी थिइनन् ।
‘चपली हाईट २’ को पेज थ्री पार्टीमा निर्देशक हेमराज विसी, कलाकारहरु गौरव पहारी, नम्रता सापकोटा, सलाने बस्नेत लगायत उपस्थित थिए । नेपाली फिल्म प्रचारमा यस प्रकारको प्रचार शैली विरलै गरिन्छ । आधुनिक युव पुस्ताको जीवन शैली माथि निर्माण भएको फिल्म काठमाण्डौं बाहिरका हलहरुमा भने भदौ २ गते नै प्रदर्शन हुनेछ ।
