हिट हुँदैछ ‘वीर विक्रम’ मा दयाहाङले नाचेको ‘हारे हारे’ (भिडियो)

अभिनेता दयाहाङ राई अभिनयका खानी हुन् । तीन तीन पटक राष्ट्रिय पुरस्कार पाएका दया अभिनयमा जति अब्बल छन् त्यति नै कमजोर नृत्यमा छन् । यद्पी भदौ ३ गतेदेखि प्रदर्शनमा आउने फिल्म ‘वीर विक्रम’ मा नव नायिका दिया पुनसँग दयाले कम्मर मर्काएका छन् । ‘हारे हारे’ बोलको गीतको भिडियोलाई युट्युवमा निकै नै रुचाइएको छ । अपलोड भएको चार महिनामा यो भिडियोलाई ९ लाख ४५ हजार बढीले भिजिट गरेका छन् । भिडियो हेर्नुस् :

तारा प्रकाश लिम्बुको स्वर तथा संगीत रहेको गीतमा दीपा लामाको फिमेल भोकल छ । शब्द निर्देशन दिनेश राउतले लेखेका हुन् । भिडियोको कोरियोग्राफी रेनशा राई वान्तवाले गरेकी हुन् । मिलन चाम्सको निर्माण तथा निर्देशन रहेको फिल्म ‘वीर विक्रम’ मा दया र दीयासँगै अर्पण थापा, अनुपविक्रम शाही, नाजिर हुसेनको अभिनय रहेको छ ।