अगष्ट पहिलो साता अमेरिकामा अनमोल र सृष्टिको ‘गाजलु’

अनमोल केसी र सृष्टि श्रेष्ठ स्टारर ‘गाजलु’ ले नेपालको सफलता पछि अब विदेश शोको यात्रा सुरु गरेको छ । हेमराज विसी निर्देशित यो फिल्मको अमेरिकामा अगस्ट पहिलो साता शो हुने निर्माता रोहित अधिकारीले बताए ।

निर्माता अधिकारीका अनुसार अमेरिकाका टेक्सास, भर्जिनिनया, न्यूयोर्क, बाल्टिमोर, मेरिल्याण्ड लगायत विभिन्न १५ शहरमा ‘गाजलु’ प्रदर्शन हुनेछ । उनले अमेरिकामा रहेका नेपालीहरुबाट ‘गाजलु’ लाई न्यानो मायाको आशा राखेको बताए । फिल्मलाई अमेरिका प्रदर्शनको व्यजवस्थापन शरद युवराज सिंह र अर्जुन सुवेदीले मिलाएका छन् ।

नेपालमा दर्शकको मन जितेको फिल्म ‘गाजलु’ मा अनमोल र सृष्टिसँगै गौरव पहारी, सलोन बस्नेत, मेनका प्रधान, ऋतिक शाही, गौरी मल्ल लगायत कलाकारहरुको अभिनय रहेको छ । फिल्म पुर्व कुमारीको प्रेम कथामाथि आधारित छ ।