हलिउड फिल्मको ट्रेलरमा खै त दीपिकाको अनुहार ?

बलिउड अभिनेत्री दीपिका पादुकोणले हलिउड फिल्म ‘द रिटन्र्स अफ एक्सजेन्डर केज’ मा अभिनय गरेसँगै यसको चर्चा खुबै भएको थियो । दीपिकाले हलिउड फिल्ममा दमदार भूमिका गरेको अपेक्षा धेरैको थियो ।

तर, जब वुधबार फिल्मको पहिलो ट्रेलर रिलिज भयो, उनका फ्यान निराश मात्र होइन आक्रोशित पनि भएका छन् । फिल्मको ट्रेलरमा दीपिका आक्कल झुक्कले देखिएको छिन् । दीपिकाको कमजोर उपस्थितीलाई लिएर अहिले सामाजिक संजालमा पनि उनको मजाक बनाइएको छ ।

यो फिल्ममा हलिउड अभिनेता विन डिजेल नै छाएका छन् । कतिपयले त ट्विटरमा दीपिकाको भन्दा वीन डिजेलको ट्याटु बढी देखिएको भन्दै आलोचना पनि गरेका छन् ।