सिक्किममा हुने चौधो इनास अवार्डमा नेपाल अध्यक्ष सुवेदीको दाबी : भने ‘न भूतो न भविष्यती’

अन्तर्राष्ट्रिय नेपाली कलाकार समाज ‘इनास’ ले चौधो संस्करणको अवार्ड समारोह सिक्किममा गर्ने भएको छ । चौधो इनास अवार्ड कात्तिक दोश्रो साता गर्ने सोमबार आयोजित कार्यक्रममा जानकारी दिइयो ।

गत साल राजधानीमा सम्पन्न इनास अवार्डको आउँदो सिक्किमको संस्करण निकै नै अविस्मरणीय रहने इनासका नेपाल अध्यक्ष प्रकाश सुवेदीले दाबी गरे । उनले भने, सिक्किममा हुने अवार्ड न भूतो न भविष्यती हुनेछ ।’ उनको मतलब नेपालमा न हालसम्म यस्तो अवार्ड भएको थियो न भोलि नै हुनेछ ।

चर्चित नेपाली कलाकारहरुको सहभागीता रहने उक्त इनास अवार्डमा कलाकार तथा प्राविधिक पवन चाम्लिङलाई विश्व इनासबाट सम्मान गरिनेछ भने बलिउड फिल्मका चर्चित कलाकार डेनी डेङजोङ्पालाई लाइफ टाइम अचिम्भेन्ट अवार्ड प्रदान गरिनेछ ।

सोमबार इनासले गरेको प्रेसमिटमा दर्पण् छायाँ’ अभिनेता तथा सिक्मिक विकास वोर्ड अध्यक्ष उत्तम प्रधान, त्यहाँका कलाकार विशाल चाम्लिङ र कलाकार तथा प्राविधिक समिर गज्मेर उपस्थित थिए ।