किन एक दिन अगाडी सर्यो मल्टीस्टारर ‘वीर विक्रम’ ?
मल्टीस्टारर फिल्म ‘वीर विक्रम’ तोकिएको मिति भन्दा एक दिन अगाडी सरेको छ । मिलन चाम्स निर्देशित यो फिल्म भदौ २ गते बिहिबारदेखि अल नेपाल रिलिज हुनेछ । भदौ २ मा रक्षा बन्धन पर्न आउँछ । सुरुमा यो फिल्मलाई भदौ ३ मा प्रदर्शन गर्ने गरी प्रचार गरिएको थियो ।
वितरकसँगको सल्लाहामा ‘वीर विक्रम’ लाई एक दिन अगाडी ल्याइएको निर्माता निर्देशक चाम्सले बताए । मसालेदार मल्टिस्टारर फिल्मको प्रोमोलाई दर्शकले रुचाइरहेका छन् । फिल्ममा दयाहाङ राई, अर्पण थापा, अनुपविक्रम शाही, दिया पुन, नाजिर हुसेनको मुख्य भूमिका रहेको छ । बेलायत र हङकङमा ‘वीर विक्रम’ को शो सम्पन्न भैसकेको छ । त्यहाँबाट पाएको प्रतिक्रियाले निर्देशक चाम्स उत्साहित छन् ।
