सेलिव्रेटी विदेश भ्रमण : राजेश मलेसिया, रेखा कतार, प्रियंका अमेरिका

नेपाली फिल्म बजारमा कलाकारको संख्या कति होला ? फिल्म बजारमा कलाकार जति भएपनि यतिबेला विदेशमा भने नेपाल कलाकारको संख्या दर्जन बढी छ । हामीले यहाँ अमेरिका, अष्ट्रेलिया र अन्य मुलुकमा बस्दै आइरहेका भन्दा पनि कार्यक्रमको सिलसिलामा बाहिर रहेका कलाकारको बारेमा चर्चा गर्दैछौं ।

महानायक राजेश हमाल यसै साता मलेसिया उडेका छन् । ‘रक स्टार धमाका’ नामक कार्यक्रममा सहभागी हुन महानायक त्यसतर्फ उडेका हुन् । महानायकको टोलीमा गायिका कोमल ओली, हाँस्य व्याङ्ग्य कलाकार जितु नेपाल, गायक सुगम पोखरेल र नायिका नम्रता सापकोटा छन् ।

यस्तै नायिका रेखा थापा पनि कार्यक्रमका लागि यसै साता कतार उडेकी छिन् । धुर्मुस र सुन्तलीले निर्माण गर्दै गरेको सिन्धुपाल्चोकको गिरान्चौर बस्ती निर्माणको सहयोगार्थ आयोजना गरिएको ‘धुर्मुस सुन्तली साँझ’ मा रेखा सहित सिताराम कट्टेल र कुञ्जना घिमिरे, लोक गायिका मुना थापा मगर लगायत सम्मिलित छन् । रेखाले आफ्नी आमालाई पनि साथमै लिएर गएकी छिन् ।

यता नायिका प्रियंका कार्की पनि आफ्नी आमालाई साथमा लिएर अमेरिका गएकी छिन् । करिब दुई महिना अमेरिका बस्ने प्रियंका विभिन्न कार्यक्रममा सहभागी हुनेछिन् ।

नायिका अनु शाह पनि कार्यक्रमको सिलसिलामा मलेसिया पुगेकी छिन् । ‘फ्रेण्डसिप धमाका’ नामक कार्यक्रमका लागि अनु अन्य कलाकारको टोलीसँग मलेसिया गएकी हुन् ।