रिलिज भयो ‘जय परशुराम’ को टिजर : विराजलाई लेखियो सुपरस्टार

विराज भट्ट शिर्ष भूमिकामा प्रस्तुत भएको फिल्म ‘जय परशुराम’ को टिजर रिलिज गरिएको छ । करिब एक मिनेट लामो टिजरमा विराजलाई एक्सन अवतारमा देखाइएको छ । रोज राना निर्देशित फिल्मको टिजर हेर्नुस् :

टिजर रिलिज भएसँगै ‘जय परशुराम’ मा विराजको भूमिका पनि बाहिरिएको छ । टिजर अनुसार उनी डिएसपीको भूमिकामा छन् भने गायक समेत रहेका रविन तामाङ डनको भूमिकामा छन् । सोलो नायिकाको रुपमा रहेकी नायिका निशा अधिकारी भने टिजरमा झुल्किएकी छैनन् ।

भोजपुरी फिल्ममा व्यस्त भएपछि नेपाली फिल्ममा निस्क्रिय रहेका विराज लामो समयपछि ‘जय परशुराम’ मार्फत ‘ब्याक’ भएका हुन् । प्रदर्शन मिति नतोकिएको फिल्मको टिजरमा विराजलाई ‘सुपरस्टार’ भनि उल्लेख गरिएको छ ।