विपीको ‘तीन घुम्ती’ विशेष शोमा राजेशसँग ऋचाको सेल्फी (फोटो फिचर)

विपी कोइरालाको चर्चित कृति ‘तीन घुम्ती’ को विशेष शोको आयोजना गरिएको छ । प्रदर्शन भएकै दिन यो फिल्मको कमलपोखरीस्थित बिग मुभिजमा विशेष शोको आयोजना गरिएको हो ।

बाबुराम ढकाल निर्देशित फिल्म ‘तीन घुम्ती’ को विशेष शोमा महानायक राजेश हमाल, नायिका ऋचा शर्मा, केकी अधिकारी, दिपक र दिपाश्रीको जोडी आकर्षकको केन्द्रमा परे । निर्देशक ढकालले निर्देशन गरेको पहिलो फिल्म ‘दुलही’ मा नायिका सुमिना घिमिरेको दुलाह बनेका महानायक हमाल पत्नी मधु भट्टराई बिनै ‘तीन घुम्ती’ को विशेष शोमा उपस्थित भएका थिए ।

शोमा महानायक हमालसँग फोटो र सेल्फी खिच्नेको भिड लागेको थियो । नायिका ऋचा शर्माले पनि महानायकसँग मुस्कान सहितको सेल्फी खिचिन् । फिल्मकी मुख्य पात्र नायिका गरिमा पन्त देश बाहिर रहंदा नायक सुशान्त कार्की विशेष शोमा ‘तीन घुम्ती’ टिमको तर्फबाट मिडियाको रोजाईमा परे । फिल्ममा गरिमा र सुशान्तसँगै अर्का नायक ध्रुव दत्तको पनि अभिनय रहेको छ । फिल्मका लेखक सामिप्यराज तिमल्सिना हुन् ।

फिल्म ‘तीन घुम्ती’ लाई प्रदर्शनको पहिलो दिन भने असारे बर्षा बाधक बन्यो । असार १७ गतेदेखि देशभर प्रदर्शनमा आएको फिल्मलाई विशेष शोमा सकारात्मक प्रतिक्रिया मिलेको छ । तस्बिरहरु : कमल प्रसाईं