अभिनेता सौगात मल्लको आज (असार १७ गते) जन्मदिन हो । सौगात आजबाट ३६ वर्षमा लागेका छन् । सौगात उर्फ हाकु कालेलाई मज्जाको अनलाइन डटकम जन्मदिनको शुभकामना व्यक्त गर्दछ । जन्मदिनको अवसर पारेर हामीले सौगातका पाँच केही नयाँ र रोचक पक्ष प्रस्तुत गरेका छौं :

saugat-malla

१. फिल्म ‘कागबेनी’ मा सौगात महत्वपूर्ण भूमिकामा देखिएका थिए तर फिल्म ‘लुट’ बाट ‘हाकु काले’ को रुपमा उनी हिट भए । ‘लुट’ हिट भएपछि सौगातलाई फिल्म खेल्ने प्रस्ताव बढ्न थालेको हो ।

२.‘कागबेनी’ भन्दा पहिले पनि सौगातले केही फिल्महरुमा ‘साइड रोल’ गरेका थिए । आकाश अधिकारीको फिल्म ‘दाग’, ‘रणभूमी’, ‘पन्क्षी’ जस्ता फिल्महरुमा सौगातले छोटो भूमिकामा अभिनय गरेका छन् ।

३.अभिनयमा पोख्त सौगात राम्रो नाच्दछन् अनि फाइट पनि खेल्छन् । तर पर्दामा रोमान्टिक दृश्य दिन भने लाज लाग्ने सौगात बताउँछन् ।

४.पैतिस बढी नाटकहरुमा अभिनय गरेका सौगातका गुरु सुनिल पोखरेल हुन् । अनुप बराललाई पनि सौगात आफ्नो गुरु मान्छन् । फिल्म ‘छड्के’ र ‘बधशाला’ मा सौगातले दुवै गुरुहरुसँग स्क्रिन सेयर गरिसकेका छन् ।

५.कम बोल्ने स्वभावका सौगात नाटक खेल्दा कलाकार सरिता गिरीसँग प्रेममा परेका थिए । तर, फिल्म खेल्न थालेपछि भने सौगात र सरिताको प्रेम टुट्न पुग्यो । अहिले सौगातको प्रेम सोनी केसी नामकी एक युवतीसँग परेको चर्चा फिल्म बजारमा छ । सौगातसँग गरिएको मज्जाको गफगाफ हेर्नुस् :

For More videos Log on to Mazzako TV