कहाँ छिन् ‘देउता’ डेव्यु अभिनेत्री बस्नेत (मज्जाका भिडियो सहित)

फिल्म ‘देउता’ डेव्यु अभिनेत्री सृजना बस्नेत कहाँ छिन् ? के गर्दैछिन् ? मज्जाको अनलाइन डटकमसँग यी अभिनेत्रीको जम्काभेट भएको छ । यही असार १८ गते आयोजना हुने फान अवार्डमा नृत्य रिहल्सल्र्स गर्दै गरेकी सृजना मज्जाको टिभीसँग केही बेर गफिइन् । उनीसँग गरिएको मज्जाको गफगाफ हेर्नुस् :

झण्डै दुई दर्जन नेपाली फिल्ममा अभिनय गरेकी सृजनाले पछिल्लो पटक आफ्नै निर्माण तथा निर्देशनमा फिल्म ‘गुड लक’ बनाएकी छिन्, जसको यतिबेला पोष्ट प्रोडक्सनको कार्य हुँदैछ । झण्डै तीन वर्ष अगाडी छायाँकन गरिएको यस फिल्मलाई सृजना चाँडै नै दर्शकमाझ ल्याउने तयारीमा छिन् ।

पती बिजु रञ्जितको निधन पछि एकल जिवन बिताइरहेकी सृजना ‘गुड लक’ खिचेपछि केही समय पारिवारिक समस्यामा अल्झिइन् । के थियो त पारिवारिक समस्या ? सृजना भन्छिन्, ‘आमालाई अल्जाइमर भएको छ । ब्रेनको नशा सुक्दै जाने रोगले आमा बच्चा जस्तै हुनु भएको । आमाकै हेरचाहमा केही समय फिल्म नगरीबाट टाढा भएँ ।’

छोरासँग बस्दै आइरहेकी सृजना अर्को घर जमको बारेमा नसोचेको बताउँछिन् । उनले ‘कन्यादान’ ‘अग्निपथ’, ‘करण अर्जुन’ जस्ता सफल फिल्ममा अभिनय गरेकी छिन् । ‘करण अर्जुन’ मा सृजनाले एक्सनका दृश्य पनि दिएकी छिन् ।