ड्राइभर दाईको छेउमा यस्ती युवती : के होला त स्थिति ?

फिल्म ‘ड्राइभर दाई’ को फष्टलुक सार्वजनिक भएको छ । बिजी फिल्मस् प्रालिको व्यानरमा बीएस बलामी प्रस्तुतकर्ता तथा निर्देशक रहेको फिल्मको फष्टलुकमा किशोर खतिवडा, सिमा केसी, प्रज्जवल गिरी, दिनेश शर्मा, ध्रुव कोइरालालाई देख्न सकिन्छ ।

फिल्मका निर्देशक बलामीले आफ्नो फिल्मले ड्राइभर पेशाको परिभाषालाई नै बदल्ने दाबी गरेका छन् । ‘धेरै जनाले गाडीको ड्राइभर भनेर उनीहरुलाई हेयको भावले हेर्ने गर्दछन्, तर ड्राईभर पनि सभ्य पेशा हो भनेर देखाउन खोजेका छौं’, निर्देशक बलामीले भने, ‘दर्शकले फिल्ममा ड्राइभरको संघर्षसँगै उसको प्रेम र एक्सनलाई हेर्न पाउनेछन् ।’

आगामी भाद्र ३१ गतेबाट अल नेपाल प्रदर्शनमा आउने फिल्मका राजेन्द्र गौतम र ज्ञानु महर्जन निर्माता हुन् भने गेहेन्द्र बज्राचार्य कार्यकारी निर्माता र दीपेश पाठक सह–निर्माताका रुपमा रहेका छन् । फिल्ममा निर्देशक बलामीकै कथा, टंक बुढाथोकी र राज सागरको संगीत, बब्बु थापा र निशा शर्माको नृत्य, श्री श्रेष्ठको द्वन्द्व, सौखिन तिमिल्सिना र मधुकर बलामीको सम्पादन र सुमन तण्डुकारको छायांकन छ ।