युट्युवमा आयो स्व.श्रीकृष्णको ‘कोहिनूर’ : श्वेताले गरिन् दुई लाख सहयोग
स्व.अभिनेता श्रीकृष्ण श्रेष्ठ अभिनित एंव निर्मित अन्तिम फिल्म ‘कोहिनूर’ युवट्युवमा आएको छ । अर्थमन्त्री विष्णु पौडेलले शनिबार औपचारिक कार्यक्रमकाबिच स्व.श्रीकृष्णको यो अन्तिम फिल्मलाई युट्युवमा सार्वजनिक गरे ।
आकाश अधिकारी निर्देशित यो फिल्म गएको दुई वर्ष पहिले सार्वजनिक प्रदर्शनमा आएको थियो भने ‘कोहिनूर’ प्रदर्शन भएको एक दिन पछाडी श्रीकृष्णको निधन भएको थियो । नायिका श्वेता खड्कासँग श्रीकृष्णको विवाह भएको एक महिना मात्रै पुगेको थियो । फिल्म हेर्नुस् :
आफ्ना स्वर्गीय पतिको फिल्मलाई युट्युवमा सार्वजनिक गर्दै नायिका तथा निर्मात्री श्वेताले नवकिरण अनाथ असहाय बाल उत्थान समाजलाई दुई लाख रकम बराबरको चेक पनि समाजकी अध्यक्ष आमालाई हस्तान्तरण गरिन् । सोही समाजको लागि शनिबार बिग मुभिजमा ‘कोहिनूर’ को विशेष च्यारेटी शोको आयोजना गरिएको थियो । च्यारेटी शोका केही तस्बिरहरु नियाल्नुस् :
