सकियो कृषाको ‘पलाँस’ : कस्तो छ त रेखाबाट आश ?

जेठको पहिलो साताबाट सुरु भएको फिल्म ‘पलाँस’ को छायांकन सकिएको छ । ३२ दिन लगाएर फिल्मको छायांकन गरिएको निर्मात्री कृषा चौलागाईंले जानकारी दिएकी हुन् ।

निर्मात्री चौंलागाईंले भनिन् ‘सुटिङ राम्रोसँग सकियो । हामी चाँडै नै फस्टलुक सार्वजनिक गर्नेछौ ।’ उनले नायिका थापाको भूमिका बारे भनिन्, ‘रेखा थापालाई दर्शकले नयाँ अवतारमा देख्नु हुनेछ । ‘पलाँस’ मा जस्तो भूमिका अहिलेसम्म रेखाले गरेकी छैनन् ।’ सुवास कोइरालाले निर्देशन गरेको फिल्ममा रेखा थापाको साथमा कामेश्वर चौरासिया र अयुब केसी मुख्य भूमिकामा छन् ।

‘पलाँस’ मा सुसन प्रजापतिको छायांकन र अर्जुन पोख्रेलको संगीत रहेको छ । रेखा फिल्मस् भन्दा बाहिरी ब्यानरका फिल्ममा अभिनय नगर्ने रेखाले कथावस्तु मन परेर ‘पलाँस’ मा अभिनय गरेको बताएकी छिन् । एकल पर्दाकी रानी र ‘रेशम फिलिली’ का हरियाबिचको टिमअपले पनि ‘पलाँस’ एक हिसाबले चर्चाको विषय बनेको छ ।