पोखरामा ‘लुकामारी’ प्रिमियर : हेर्नुस् मज्जाको फोटो फिचर
यही शुक्रबार अर्थात् असार १० गतेदेखि प्रदर्शनमा आउने फिल्म ‘लुकामारी’ को बुधबार पोखराको सिने प्लेक्स हलमा प्रिमियर गरिएको छ । पर्यटकिय नगरीमा आयोजना भएको यस फिल्मको प्रिमियरमा फिल्मका निर्माता, निर्देशक, कलाकार, प्राविधिकदेखि राजधानीबाट गएका झण्डै दुई दर्जन सञ्चारकर्मी र त्यहाँ स्थानिय दर्शकको बाक्लो सहभागीता रहेको थियो ।
निर्देशक श्रीराम दाहालले पर्यटन व्यवसाय र नेपाली फिल्मको विस्तार गर्न पोखरामा प्रिमियर गरिएको बताए । च्यारेटीवेस प्रिमियरमा नायक सौगात मल्ल, कर्म, नायिका सुवरिना कार्की, निर्माता सुरजमान सिंह भण्डारी, कलाकारहरु विक्रम सिंह, जेबी डिसी, सिनेम्याटोग्राफर सुशन प्रजापती, कोरियोग्राफर रेनेशा वान्तवा राई लगायत सहभागी भए । फिल्मकी अर्की नायिका रिस्ता बस्नेत भने कार्यक्रमको शिलशिलामा मलेसिया रहेकाले प्रिमियर शोमा सहभागी हुन पाइनन् । यस्तै नायिका अनु शाह, रिश्मा गुरुङ र मोडल निराजन प्रधान पनि ‘लुकामारी’ को प्रिमियरमा सहभागी थिए ।
फिल्म ‘लुकामारी’ लाई पोखराको प्रिमियरमा सुखद् प्रतिक्रिया मिल्यो । नेपाली फिल्मका नियमित दर्शक समेत सहभागी भएको उक्त शोमा फिल्मलाई सबैले मन परेको प्रतिक्रिया दिए । सौगात र कर्म सबैका नजरमा पर्न सफल भए । कमेडी, सस्पेन्स अनि थ्रिलरलाई अंगालेको ‘लुकामारी’ मा ले सार्वजनिक प्रदर्शनमा चाहिं दर्शकको साथ कस्तो पाउला त ? प्रतिक्षा गरौं ।
