दश लाख पारिश्रमीक बुझेका अनमोलको ‘गाजलु’ ले एक सातामा कति कमायो ?

वम्परको ओपनिङ गर्न सफल फिल्म ‘गाजलु’ ले एक सातामा कति कलेक्सन गर्यो होला ? निर्माता रोहित अधिकारीले मज्जाको अनलाइन डटकमलाई फिल्मको एक साताको व्यापारिक रिपोर्ट उपलब्ध गराएका छन् । कति कमायो त एक सातामा ‘गाजलु’ ले ?

निर्माता अधिकारीका अनुसार फिल्म ‘गाजलु’ ले सात दिनमा दुई करोड पचहत्तर लाखको ग्रस व्यापार गरेको छ । राजधानीबाट एक करोड २८ लाख र मोफसलबाट एक करोड २३ लाखको ग्रस कलेक्सन गरेको हिसाब निर्माता अधिकारीले दिए । हेमराज विसी निर्देशित फिल्म ‘गाजलु’ ले एक सातामा गरेको यो व्यापार उत्साहप्रद हो । एक करोड माथि लगानी दाबी गरिएको ‘गाजलु’ ले यो सातामा लगानी सुरक्षित गर्ने अपेक्षा गरिएको छ ।

फिल्म ‘गाजलु’ का लागि अनमोल केसीले आफ्नो पारिश्रमीक नै दश लाख बुझेका थिए । यो फिल्मबाट उनले दोश्रो उच्च पारिश्रमिक लिएका हुन् । भर्खरै उनले ‘कृ’ फिल्मका लागि २० लाख पारिश्रमीक रकम बुझेका छन् । फिल्म ‘गाजलु’ मा अनमोलसँगै सृष्टि श्रेष्ठ, गौरव पहारी, सलोन बस्नेत, मेनुका प्रधान, रितिक शाहीको अभिनय रहेको छ । ‘गाजलु’ ले दोश्रो सातापनि मल्टिप्लेक्समा राम्रो शो पाएको छ । प्रिमियरमा यस्तो मिलेको थियो प्रतिक्रिया :