फान अवार्डमा भुवन र निखिलबिच प्रतिस्पर्धा : दीपकराज गिरीले लेखे यस्तो स्टाटस
चलचित्र कलाकार संघले आउँदो असार १८ आयोजना गर्ने ‘फान अवार्ड ०७२’ को उत्कृष्ट पाँच मनोनयन सार्वजनिक गरिएको छ । बिहिबार राजधानीमा औपचारिक कार्यक्रम गर्दै विभिन्न २४ विधाको मनोनयन सार्वजनिक गरिएको हो ।
‘फान’ को उत्कृष्ट पाँच मनोनयनमा ‘कबड्डी कबड्डी’, ‘क्लासिक’, ‘पशुपति प्रसाद’, ‘प्रेम गीत’ र ‘ड्रिम्स’ परेका छन् । यता निर्माता तथा कलाकार दीपकराज गिरीले आफ्नो फिल्म ‘वडा नं ६’ उत्कृष्ट पाँचको मनोनयमा नपरेपछि फेसबुकमा असन्तुष्टि जनाएका छन् । उनको स्टाटस यस्तो छ :
यता नव निर्देशकको पाँच प्रतिस्पर्धामा भने गज्जवको संजोग पर्न आएको छ । अभिनेता भुवन केसी ‘ड्रिम्स’ र निखिल उप्रेती ‘भैरव’ बाट प्रतिस्पर्धा परेका छन् भने ‘अधकट्टी’ बाट सुव्रत आचार्य, ‘चकलेट’ बाट निर्मल शर्मा र ‘धौली’ बाट घनश्याम लामिछाने नव निर्देशकको प्रतिस्पर्धामा छन् । निर्देशकतर्फ भने ‘कबड्डी कबड्डी’ बाट रामबाबु गुरुङ, ‘वडा नं ६’ बाट उज्वल घिमिरे, ‘प्रेम गीत’ बाट सुदर्शन थापा, ‘क्लासिक’ बाट दिनेश राउत र ‘पशुपति प्रसाद’ दिपेन्द्र के खनाल प्रतिस्पर्धामा छन् ।
यस्तै उत्कृष्ट नायकतर्फ ‘कबड्डी कबड्डी’ बाट दयाहाङ राई, ‘पशुपति प्रसाद’ बाट खगेन्द्र लामिछाने, ‘क्लासिक’ बाट आर्यन सिग्देल र ‘फन्को’ बाट सौगात मल्ल प्रतिस्पर्धा छन् भने नायिकातर्फ रिस्ता बस्नेत ‘रिफ्युजी’, केकी अधिकारी ‘भाग सानी’, नीता ढुंगाना ‘फूल फूलको मौसम तिमीलाई’, नम्रता श्रेष्ठ ‘क्लासिक’ र प्रियंका कार्की ‘फन्को’ बाट नोमिनेशनमा परेका छन् ।
संगीतकारतर्फ ‘रेशम फिलिलि’ को ‘जालमा’ बाट कालिप्रसाद बास्कोटा, ‘प्रेम गीत’ को ‘म यस्तो गीत गाउँछु’ बाट अर्जुन पोखरेल, ‘वडा नं ६’ को ‘सुर्के थैली’ बाट राजनराज सिवाकोटी, ‘नाईं नभन्नू ल ४’ को ‘तिमीले मलाई माग्ने बनायौं’ तथा ‘अधकट्टी’ को ‘तिम्रो फिगर कोकाकोला’ बाट बसन्त सापकोटा नोमिनेशनमा परेका छन् ।
यस्तै नायक जिवन लुईंटेल फिल्म ‘काफ्ल पाक्यो’ बाट हाँस्य कलाकारमा मनोनित भएका छन् भने नायक सविन श्रेष्ठ ‘लुटेरा’ बाट सह नायकको प्रतिस्पर्धामा परेका छन् ।
