‘प्रेम गीत’ की नायिका शर्माले फिल्म बनाउने तर आफु नखेल्ने
‘प्रेम गीत’ की नायिका पूजा शर्माले फिल्म निर्माण गर्ने भएकी छन् । सुदर्शन थापाले निर्देशन गर्ने फिल्ममा नायिका शर्माको भने अभिनय रहने छैन । ‘म निर्माताको रुपमा मात्रै रहनेछु’ पूजाले भनिन् । आफुले बाहिरी ब्यानरको अर्को एक फिल्ममा अभिनय गर्ने बताइन् ।
सुदर्शन थापा प्रोडक्सनबाट निर्माण हुने फिल्ममा नयाँ जोडीले मुख्य भूमिकामा अभिनय गर्नेछन् । ‘हामी केही दिनपछि नयाँ जोडीलाई सार्वजनिक गर्नेछौं’ निर्मात्री शर्माले भनिन्, ‘को राख्ने भन्ने लगभग पक्का भैसकेको छ ।’ निर्देशक थापा भारतबाट फर्किएपछि फिल्मको काम जोडतोडका साथ हुने पूजाले बताइन् । थापा व्यक्तिगत भ्रमणका लागि केही दिन अगाडी भारत गएका छन् । भदौदेखि छायाँकन सुरु हुने फिल्मको ‘टाइटल’ गोप्य नै राखिएको छ, सार्वजनिक गरिएको छैन । पूजासँग गरिएको मज्जाको गफगाफ पनि हेर्नुस् :
