यस्ता छन् ‘कालो पोथी’ प्रिमियरका मज्जाका पन्ध्र तस्बिरहरु
भेनिस अन्तर्राष्ट्रिय फिल्म फेस्टिभलमा क्रिटिक्स तर्फको पुरस्कार जित्न सफल फिल्म ‘कालो पोथी’ को भव्य प्रिमियर गरिएको छ । प्रदर्शनको दुई दिन अगाडी बुधबार राजधानीको कुमारी हलमा आयोजना गरिएको यस अर्गानिक फिल्मको गाला प्रिमियरमा सूचना तथा सञ्चार मन्त्री शेरधन राई सहित अन्य फिल्मकर्मीहरुको बाक्लो उपस्थिति रहेको थियो । प्रिमियरमा सहभागीले ‘कालो पोथी’ को कथावस्तु र कलाकारको प्रस्तुतीलाई औधी रुचाए ।
मिन बहादुर भाम निर्देशित फिल्म ‘कालो पोथी’ मा खड्गराज नेपाली, शुक्रराज रोकाय, जितबहादुर मल्ल, हन्सा खड्का, वेनिशा हमाल, नन्द प्रसाद खत्री, विपिन कार्की र प्रियंका खतिवडाको मुख्य भूमिका रहेको छ । द्धन्द्धकालिन समयमा मुगुका दुई बालकको मित्रता रहेको फिल्मको पटकथा एवं संवाद निर्देशक भाम र अभिनाष विक्रम शाहीको रहेको छ ।
‘कालो पोथी’ यही शुक्रबार अर्थात् जेठ २१ गतेदेखि अल नेपाल प्रदर्शनमा आउँदैछ । कमल प्रसाईंले खिचेका ‘कालो पोथी’ प्रिमियरका पन्ध्र तस्बिरहरुलाई हामीले यहाँ प्रस्तुत गरेका छौं ।
