‘लुट २’ को टिजरले तोड्यो अनमोलको ‘ड्रिम्स’ ट्रेलरले बनाएको रेकर्ड

अनमोल केसी स्टारर फिल्म ‘ड्रिम्स’ को ट्रेलरले २४ घण्टा भित्र युट्युवमा बनाएको भ्युअर्स रेकर्डलाई निश्चल बस्नेत निर्देशित फिल्म ‘लुट २’ को टिजरले व्रेक गरेको छ । ब्लकबस्टर फिल्म ‘लुट’ को सिक्वेल टिजरले युट्युवमा अपलोड भएको १९ घण्टामा १ लाख बढी भ्यूअर्स पाएको छ । भुवन केसी निर्मित एंव निर्देशित ‘ड्रिम्स’ ले २४ घण्टामा एक लाख बढी भ्यूअर्स पाएको थियो । मंगलबार साँझ ४ बजे अपलोड गरिएको ‘लुट २’ को टिजरलाई बुधबार दिउँसो ११ बजेसम्म एक लाख बढीले हेरेका छन् । टिजर हेनुस् :

माधव वाग्ले र नरेन्द्र महर्जनले निर्माण गरेको ‘लुट २’ मा ‘लुट’ कै कलाकार तथा प्राविधिक दोहोरिएका छन् । पुरुषोत्तम प्रधानको छायाँकन रहेको फिल्ममा सौगात मल्ल, दयाहाङ राई, कर्म, ऋचा शर्मा, विपिन कार्की, प्रविण खतिवडा, सुशिलराज पाण्डे र प्रदीपराज न्यौपानेको अभिनय रहेको छ । ब्लककबस्टर फिल्म ‘लुट’ सिक्वेलको प्रदर्शन मिति फागुन १३ मा तोकिएको छ ।