अतिथिमै ‘सेक्सी’ सुरविना

गएको साता प्रदर्शनमा आएको फिल्म ‘होमवर्क’ मा नायिका सुरविना कार्की अतिथि भूमिकामा देखिएकी थिइन् । अतिथि नै भएपनि उक्त फिल्ममा सुरविनाको रोल यादगार हुन थियो ।

विद्यार्थीलाई होमवर्क सिकाउने मिसको सारीमा ‘सेक्सी फिगर’ देखेपछि प्रिमियरमै धेरैले ताली पिटेका थिए । तर, सुरविनाले भने तालीको आवाज सुन्न पाइनन् । उनी ‘होमवर्क’ को प्रिमियरमा सहभागी थिइनन् ।

‘झेली’ डेव्य नायिका सुरविना रजतपटमा आफ्नो नाम स्थापित गराउने धुनमा छिन् । यी संघर्षशील नायिकाले विस्तारै फिल्महरुमा अभिनय गर्ने अवसर पाइरहेकी छिन् । आर्यन सिग्देलसँग ‘नाइके’ मा अभिनय गरेपछि फिल्म नगरीमा सुरविनाको ‘डिमान्ड’ बढ्यो भन्नेहरु पनि धेरै छन् ।

जे होस्, सुरविनाले लगालग दुई तीन वटा फिल्महरुमा अभिनय गरेकी छन् । प्रचार प्रसारमा रहेको ‘लुकामारी’ र छायाँकनमा रहेको ‘चर्खा’ मा सुरविनाको राम्रै रोल रहेको बताइन्छ । सौगात मल्ल, कर्म र सुरविना अभिनित लुकामारी आउँदो असार १० गतेदेखि प्रदर्शनमा आउँदैछ ।